الرئيسية > خدمات خارجية > مقالات وتوصيات

شريط الأدوات المزعج المفروض عليك في المتصفحات

شريط الأدوات المزعج المفروض عليك في المتصفحات ..

Browser bad reputation toolbars

-------------------------

المقالة دي لكل اصدقائي وعملاء شركتي لأن الموضوع ده بيضرهم وبينعكس على شغلي ويضرني بالتبعية في كثرة المشاكل التي تقابل العملاء بسبب الموضوع ده ...

عند تحميل برامج لك او العاب مجانية - او مسروقة - يتم فرض شريط ادوات عليك وهذا الشريط يحمل اعلانات فرض عليك تجعل الشركة تكسب منك او يفرض عليك برامج اخرى وقد تكون فيروسات أو توصل للفيروسات ..

المهم النهاية ان جهازك هيكون بطيء وتقيل وبيحمل المواقع ابطأ .. وفي الأخر هيضرب

عيوب البرامج دي ..

-------------------

1- ممكن تكون بتفتح موقع والموقع يكون عليه لوود وبطيئ شوية .. يقوم البرنامج ده يتسرع ويفترض ان الموقع ده واقع ومش شغال ويديك رسالة خطأ وطبعا مصحوبة بإعلاناته. وده ضرر كبير انه منعك من فتح موقع - لسه فيه الروح .

2- بيضع اعلانات كتير مزعجة ومنها الغير مناسب لأولادك ولا ليك.

3- بيستغل جزء من سرعة الإنترنت بتاعتك اللي انت اساسا بتشتكي انها بطيئة.

4- بيرسل معلومات قدر يجمعها من جهازك فيها سنك وجنسك والحاجات اللي انت منزلها على الجهاز واللي بتحبه والللي مبتحبوش عشان بناء عليه يجيب لك اعلانات مناسبة لرغباتك - ده الشركات المحترمة - الغير محترمة ممكن تسرق باسووردات بتدخل بيها على الفيس والمواقع والإيميلات بتاعتك.

دي بعض عيوبها اللي فاكرها ...

البرامج دي - للشخص العادي - مبيعرفش يشيلها - وغالبا الشخص المحترف برده هتلاقيه بيتلخبط ومبيعرفش يشيلها برده 

طريقة من طرق الحل وليست الوحيدة لكني رأيتها سهلة وممتازة :

-----------------------------------------------------------------------

طبعا هناك طرق انك تنزل برامج تعمل سكان وتنضف لك الجهاز وتشيل البرامج دي " وتقوم هي حاطة برامج تانية تبعها " فمش هتخلص من النصب ده ..

هرشح لكم برنامج من اقوى برامج العالم في السنوات الماضية انتي فيرس

Anti Virus AVAST 2014

المجاني - مش سرقة ولا مضروب 

فيه 3 ميزات واحده عادية واتنين مش عادية

الميزة العادية انه اب تو ديت up 2 date وبيشيل الفيروسات من جهازك اول بأول وده عادي وانه برنامج خفيف وسهل وتقدر تنزله بسهولة من النت - ومجاني .

الميزات الغير عادية :

----------------------

2- انه فيه Boot Time Scan

لما جهازك يتلط - فيرس - افضل طرق مسح الفيرس انك متكونش مشغل الويندوز اساسا - لأن الفيرس ساعتها بيكون موجود ومتحمل ومبيتشالش

فالحل انك تعمل ريبوت - اعادة تشغيل الجهاز - و تكون مشغل خاصية

Boot Time Scan - 

من برنامج الأفاست - اللي تميز بيها الراجل بصراحة - دي بتحمل الويندوز وقبل ما يدخل الويندوز تلاقيه دخل على الدوس

DOS 

- وبدا يعمل سكان لجهازك كله وللويندوز ولكل الملفات السيستيم - اللي ممكن ميعرفش يعمل لها سكان والويندوز شغال .. خليه يمسح افضل رغم انها اخطر - بس انا بفضل المسح لو لقى فيرس مش الإصلاح ..

فدي ميزة ممتازة وفعالة في اغلب الأوقات لتنضيف جهازك ..

انصحك تعملها لأن 90% من الفيروسات بتكون عندنا واحنا مش عارفين ..

3- الميزة التانية الغير عادية : 

وهي موضوع المقالة دي وهي تنظيف المتصفحات من اي اضافات وبرامج وشريط ادوات تم وضعها بالفرض عليك ..

هتلاقي ايقون عليها 

Clean Browser

وصورة مقشة

دوس عليها وخليه يشيل وينضف كل المتصفحات عندك

هو بيشوف ايه نازل عندك على الجهاز وينضف الكل

FireFox

Internet Explorer

Chrome 

واي متصفح

قد يطلب منك الويندوز منك تصريح واذن انه يعمل التغيير ده - وافق

ولازم تكون قافل كل المتصفحات وانت بتعمل الموضوع ده 

وبأمر الله يقوم الأفاست بتنظيف المتصفحات ويشيل العك المزعج ده كله ..

---

اتبسط جدا لما شفت الخدمة دي في الأفاست وحبيت اشاركها معاكم لأن الكتير يعاني من الموضوع ده ومعندوش حلول سهلة ..

---

لتنزل الأفاست 2014 مجانا

خلي بالك وانت بتنزله - نزل المجاني مش النسخة الكبيرة اللي بفلوس

هيحاول كذا مرة يدبسك في اللي بفلوس - خليك على المجاني فيها كل ما تحتاج 

وبلاش تحتار UPGRADE - 

دي اللي بفلوس - مجانا شوية وبعدين يطلب تفعيل وفلوس

ده الرابط المباشر للتحميل من على شركة c net لتحميل البرامج

http://download.cnet.com/3055-2239_4-10019223.html?&tag=pdl-redir

ثواني وهيظهر لك الملف لتنزيله ..

متنزلش اي برامج اخرى وانت بتنزل اي برنامج - فقط ما تريد والمشهور فقط

-

دعواتكم وبالتوفيق

#محمد_البحراوي

#76MOHAMED

#AVAST2014

#AVAST

22.10.2013