أنصحكم جميعا بإستخدام جوجل درايف
Google Drive
مع أي حساب جيميل المجاني بتاخد مساحة 15 جيجا تقدر تحط فيهم ملفاتك المهمة
او تعمل الملفات دي اونلاين ( ملفات زي الباور بوينت - الإكسيل شيتس - الوورد العادي .. إلخ ) مثيل مايكروسوفت اوفيس.
يعني تقدر وانت في شركتك تكتب الفكرة او الموضوع او الملف الحسابي اللي انت عاوزه وتبدأ فيه ..
ولما تروح البيت هتلاقي الملف اونلاين تكمله
ولو راكب مواصلة او سافرت وفي لحظة صفاء .. من موبايلك تفتح الملف تكمل فيه او تجيب منه معلومة
الموضوع مش اعلان لجوجل - ده بس عشان اكتر واحد احتكيت بيه في الموضوع ده انما فيه بروفايدرز كتير بيقدموا خدمات شبيهة زي اوفيس 365 وغيره مجاني او بفلوس
-----------
صورة من جوجل درايف على النت وتحتها فيه رابط تنزيل جوجل درايف على جهازك لعمل المزامنهصورة من جوجل درايف على النت وتحتها فيه رابط تنزيل جوجل درايف على جهازك لعمل المزامنه
-----
الأونلاين ستوراج - التخزين على النت ليه فوايد كتيرة جدا
اولهم زي ما شرحت فوق
ثانيهم انك ملفاتك مؤمنه ضد الفيروسات وضد الويندوز ضرب وبوظ لي درايف سي اللي عليه شغلي
وثالثهم انك ممكن تشارك ملف محدد منهم مع مجموعة من الأصدقاء او زمايل العمل يعاونوك في المشروع ده او التاسك دي .
ورابعهم الأمان .. أه اامن من جهازك العادي اللي اي عيل بيعمل هاك او حتى ابنك او مديرك او موظف تحتك سهل يخش يجيب قرار الجهاز بتاعك بكل اللي عليه - غير لو هي اونلاين ومحمية بباسوورد مفيش غيرك يعرفها.
ونظريات المؤامرات وامريكا هتبقى شايفة افكاري ومعلوماتي - هقولك ان فيه قوانين بتحميك انت وملايين غيرك ومش هيخشوا على حسابك غير بأمر قضائي - وياسيدي طريقة عمل المتفجرات او عمل القنبلة النووية متبقاش تحطها اونلاين ..
خامسهم .. تقدر من اي مكان مفيهوش اوفيس تفتح الملفات عادي تشوفها لأنه عنده القدرة على فتح الملفات بمعظم انواعها
تقدر تعمل ملف زي الوورد او بريزينتيشن او حسابات .. إلخ
او تقدر ترفع ملف من جهازكتقدر تعمل ملف زي الوورد او بريزينتيشن او حسابات .. إلخ او تقدر ترفع ملف من جهازك
سادسهم .. بعض المواقع زي جوجل عاملة تول " برنامج " تنزله على كل الأجهزة اللي انت بتدخل عليها ويقوم ينزل اول بأول اي تعديلات او ملفات جديدة انت بتعملها على جهازك فعليا - ياخد نسخة أوف لاين - ولو حصل لها حاجة - تفضل النسخة الأساسية فوق على النت سليمة.
برنامج جوجل درايف للويندوز لمزامنة الملفات الأونلاين ويجيب نسخة اوتوماتك على جهازك اول ما تشغلهبرنامج جوجل درايف للويندوز لمزامنة الملفات الأونلاين ويجيب نسخة اوتوماتك على جهازك اول ما تشغله
سابعهم .. إضافة من صديقي إسلام يونس
إنقطاع الكهرباء
وكمان الاجمل بالنسبة للمصريين ان الكهرباء بتقطع كل شويه وكل الشغل بيروح لو انت بتكتب حاجة فان جوجل في كل ملفات الاوفيس عندها الحفظ فوري فلو الكهرباء قطعت انت في أمان، وبالنسبة للخصوصية اللي الناس ممكن تخاف منها في حاجات مماثلة لجوجل درايف وهي owncloud وغيرها من الخدمات مفتوحة المصدر والمشفرة
========
طبعا انا مش بتكلم انك تستخدم الأونلاين درايف ده في انك تحط عليه افلامك - العابك والحاجات التقيله دي - انت مازلت على النت واي رفع لملف او تنزيله هيخضع للإنترنت وسرعتها اللي انت مشترك فيها
فا إحنا بنتكلم على الملفات ال 10 ميجا 20 ميجا مثلا
او حاجات صغيره تفيد شغلك او دراستك - عقود - حسابات - اتفاقات - افكار - اشعار - بتألف كتب او بتكتب مقالات .
أرجوا تكونوا استفدتم
ده رابط جوجل درايف وممكن تدور على غيره مجاني او بفلوس اللي يريحك
___
محمد البحراوي
12-8-2014